ҚҰРМЕТТІ  ДОСТАР!

         Алматы облысының  төрінде орналасқан балалардың арман аралы – Қонаев қаласындағы «Балдәурен» Республикалық оқу-сауықтыру орталығы 2017 жылдың сәуір айынан бастап жұмыс жасап келеді.

         20 жылдық тарихы бар Балдәуреннен  бастау алған бұл орталық аз ғана уақыт ішінде балалардың бал мекеніне айналды. Балалардың қызығушылықтары мен қабілеттерін ескере отырып, олардың дамуы мен жеке тұлға ретінде қалыптасуына өзіндік үлесін қосып отыр. Орталыққа келген әрбір баланың мәңгілік есінде қалу және  шат күлкісі мен бақытты жүзін көру мақсатында  әр ауысым ерекше форматта өтеді.

   «Адамның адамшылығы - ақыл, ғылым, жақсы ата, жақсы ана, жақсы құрбы, жақсы ұстаздан болады» деп, Ұлы Абай атамыз айтқандай, балаларға білім мен өнерді үйрету, жақсы ұстаздың тәлім беруін басты назарда ұстаймыз. Орталықта  еңбек ететін әрбір қызметкер балалардың демалысын сапалы өткізе отырып, олардың ертеңге деген зор үміттері мен келешекке сенімдерін шыңдауға өз үлестерін қосуда.  

   Халқымызда  мынадай керемет сөз бар: «Білімге құмарлық – ұлылыққа ұмтылудың бірден-бір жолы» деген.  Еліміздің балаларға, олардың болашағына деген қамқорлығы  арқасында орталық  жұмысы күннен күнге жанданып, жаңа белестерге қадам басуда. Балалардың бойындағы патриоттық рухтарын шыңдап, шығармашылық қабілеттерін арттырып, қоғам ішінде өзін жеке тұлға ретінде сезінуіне ықпал жасай отырып, талай биіктерді балғын да сұлу балдәурендіктермен бірге бағындырамыз деген сенімдемін.

    Әр баланың арманын арманға жалғап, бақыт ордасы бола білген орталығымыздың сайтына қош келдіңіз!

 

 

Хаджимуханова Жаркинай Биболатовна

Қонаев қаласы, «Балдәурен» республикалық

оқу - сауықтыру орталығы кешен басшысы

 

 

 

 

 

 

 

 

Біздің серіктестер

banner
banner
banner
banner
banner
banner
banner
banner