Қазақстан Республикасының Мемлекеттік Орталық мұражайына саяхат

«Патриотымын мен елдің» Академия күніне орай патриоттар мен мектеп парламенті көшбасшыларының бас қосуы» атты 2-ауысымның қатысушылары Қазақстан Республикасының Мемлекеттік Орталық мұражайына саяхатқа барды. Бұл балалардың сөздік қорын дамыту, қуанышты көңіл күй сыйлау, достыққа, ұйымшылдыққа баулу, туған жерге деген сүйіспеншілігін арттыру мақсатында ұйымдастырылды. Мұражайда демалушылар тарихи деректермен, көне қолөнермен және тағы да басқа көптеген экспонаттармен таныс болды. Қазақстан Республикасының Мемлекеттік Орталық  мұражайы - Алматыда орналасқан. Қазақстан мен Орталық Азия өңіріндегі ең көне және ірі мұражайлардың бірі. Қордың коллекциясында 300 мыңға жуық сақтау бірлігі бар. Мұражайда 7 экспозиция залы бар.