«BALDAUREN – JAIDARMAN» көңілді тапқырлар алаңы» атты
2023 жылғы 7 - ауысымның
БАСПАСӨЗ ХАБАРЛАМАСЫ
ҚР ОАМ бекіткен, 2023 жылға арналған жоспар – кестесі бойынша Қонаев қаласы «Балдәурен» республикалық оқу-сауықтыру орталығы 3-маусым мен 17-маусым аралығында «BALDAUREN – JAIDARMAN» көңілді тапқырлар алаңы» атты 7-ауысымын өткізеді.
Ауысым қатысушылары: көңілді тапқырлар клубтары командаларының аудандық, қалалық, облыстық жеңімпаздары мен қатысушылары.
Ауысымның мақсаты: көңілділер мен тапқырлар клубы қозғалысын дамыту, ауысым қатысушыларын ұлтжандылыққа, отансүйгіштікке, ана тілін құрметтеуге тәрбиелеу, балаларға бос уақытты тиімді пайдалануды насихаттау.
Міндеттері:
- қазақстандық патриотизм, өз елі үшін мақтаныш сезіміне тәрбиелеу, зияткерлік әлеуетін дамыту;
- балалардың шығармашылықтарын, өзін-өзі жетілдіруі үшін жағдай жасау, табысқа жету уәждемесін қалыптастыру, мерекелік атмосфера құру;
- сауықтыру, демалыс және бос уақыттарын ұтымды пайдалануға қажетті жағдай жасау, балалар арасында қарым-қатынас жалпы мәдениетін қалыптастыру.
Ауысым аясында келесі іс-шаралар жоспарланған:
- 2023 жылғы 7-ауысым президентіне үміткерлермен танысу;
- 2023 жылғы 7-ауысымның ашылу салтанаты;
- «Baldauren – jaidarman» топ визиткасын қорғау кеші;
- «Жастар Style» ұйымдастырушы-ұстаздармен танысу кеші;
- «Jaidarman білгірі» бекет бойынша зияткерлік ойыны;
- «Bal.market» экономикалық ойыны;
- «Jaidarman cup» КТК командалар ойыны
- «Олимп шыңы» спорт мерекесінің ашылуы және жабылуы;
- «Күлкі витамин» заманауи ертегілер байқауы;
- 2023 жылғы 7 – ауысымның жабылу салтанаты;
- «See you, Baldauren!» гала-концерт.
2023 жылдың 7-ауысымының салтанатты ашылуы 5 маусым күні сағат 19:00-де.
2023 жылдың 7-ауысымының салтанатты жабылуы 16 маусым күні сағат 17:00-де.
Мекен-жайымыз: 040800, Алматы облысы, Қапшағай су қоймасының солтүстік-батыс жағалауы, Қонаев қ. «Балдәурен» РОСО
Байланыс телефоны: 8(72772) 5-02-55, 5-02-50
Электрондық пошта: kapshagay.baldauren@mail.ru