"БІЛІМ КЕМЕСІНДЕ" МЕКТЕП ПРЕЗЕНТАЦИЯСЫ

"БІЛІМ КЕМЕСІНДЕ" МЕКТЕП ПРЕЗЕНТАЦИЯСЫ

          Мектеп – барлық рухани өркениеттің ошағы. Білім ұясы – жан-жақты дамуға жағдайлар туғызатын, тұлғаның өз бетімен білімін жетілдіруіне жағдай жасайтын, таңдау мүмкіндіктерін туғызатын, еркін және шығармашылық тұрғыда қызмет жасауға мүмкіндік жасайтын білім ордасы болуы тиіс. 

        Мектептің басты міндеті – ең алдымен, саналы да ұлтжанды ұрпақты тәрбиелеп шығу. Бүгінгі жаһандану заманында білім беру ісінде, жас ұрпақты тәрбиелеуге жаңа көзқарастар пайда болды. Тәуелсіз ел атанып, төбемізге ту тігіп, тіліміздің мәртебесін арттырып, әлемге атымызды танытып жатқан кезеңде ұлттың, елдің болашағы – жас ұрпаққа білім беру мәселесіне ерекше көңіл бөлініп отыр. Мектеп болашаққа бастайтын, рухани азықтандыратын алтын ұя болса, ал мұғалім – сол шаңырақтың тірегі, сүйеніші. 

       "Балдәурен" Республикалық оқу-сауықтыру орталығында қалыптасқан дәстүр бойынша әр ауысым қатысушылары мектеп ұжымымен танысу мақсатында презентация өткізіледі. "Білім кемесінде" атты мектеп презентациясы оқушыларды жаңа сыныптарымен және сынып жетекшілерімен таныстырып, алдағы уақытта мектепте өткізілетін іс-жоспарлары көрсетіледі.

       Орталығымызға келген әрбір оқушы біздің мектептен жақсы білім мен үлгілі тәрбие алары анық.