«Домбыра PARTY» атты мерекелік концерті өтті

Жыл сайын шілденің алғашқы жексенбісі – Ұлттық домбыра күні.

Домбыра – көненің көзі, бабадан қалған асыл мирас. Ол – құнды қазына, ұлттық рух. Халқымыздың қадір тұтып, төрге ілген киелі аспабының құрметіне Елбасы мұрамызды жаңғыртып, өскелең ұрпақ санасына сіңіру мақсатында Ұлттық домбыра күнін белгіледі.

Домбыра күніне орай, «Балдәурен» РОСО «Домбыра PARTY» атты мерекелік концерті өтті. Бұл іс-шара өскелең ұрпақтың қасиетті домбыраға, ұлттық өнерге деген құлшынысын арттыру мақсатында ұйымдастырылды. Балалар домбыра туралы әндер айтып, күйлер тартты.